काठमाण्डु – स्वास्थ्य तथा जनसंख्या मन्त्रालयले कोरोना भाइरसको संक्रमण समुदायमा फैलिनसकेकाले उच्च सतर्कता अपनाउन आग्रह गरेको छ ।

पछिल्लो समय वीरगन्ज, सप्तरी र विराटनगरपमा ट्राभल हिस्ट्री नभएका व्यक्तिहरूमा संक्रमण देखिएपछि स्थानीय तहले संक्रमण समुदायमा पुगेको निस्कर्ष निकालेपछि मन्त्रालयका प्रवक्ता डाक्टर जागेश्वर गौतमले अहिलेसम्म नेपालमा कोरोना भाइरस समुदायमा फैलिसकेको प्रमाणित नभएको जानकारी दिएका हुन् ।

‘भाइरसको फैलावटको वर्गीकरण अनुसार विश्व स्वास्थ्य संगठनले नेपाललाई ठाउँ विशेषमा कोभिड–१९ को केस भएको मुलुकको सूचीमा राखेको छ । यसमा स्थानीय तहहरूबाट थप खोज गर्ने काम भइरहेको छ,’ उनले भने ।

कोरोना समुदायमा पुगेको केही शंका गर्ने आधारहरू तय भएपनि थप कुरा विश्लेषण नभइ घोषणा गर्न नसकिने मन्त्रालयले जनाएको छ ।