काठमाण्डु – प्रधानमन्त्री शेरबहादुर देउवालाई पाकिस्तानी समकक्षी इमरान खानले बधाई दिएका छन् ।

सोमबार बिहान ट्वीटमार्फत नवनियुक्त प्रधानमन्त्री देउवालाई पाकिस्तानी समकक्षी खानले सफल कार्यकालका लागि बधाई तथा शुभकामना दिएका हुन् ।

आइतबार राती प्रतिनिधिसभामार्फत विश्वासको मत जितेका देउवालाई खानले बधाई दिएका हुन् । उनले पाकिस्तान नेपालबीचको सौहार्दपूर्ण सम्बन्ध अझ प्रगाढ बनाउन चाहने उल्लेख गरेका छन् ।

भारतीय समकक्षी नरेन्द्र मोदीले आइतबार राती देउवालाई फोन गरेर बधाई दिएका थिए । उनले दुई देशबीच सबै क्षेत्रहरूमा रहँदै आएको विशिष्ट साझेदारीलाई थप विस्तार गर्न र जनस्तरको गहिरो सम्बन्धलाई थप सुदृढ बनाउन देउवासँग सहकार्यको अपेक्षा गरेको उल्लेख गरेका छन् ।

आइतबार प्रतिनिधिसभाको बैठकमा प्रधानमन्त्री देउवाले विश्वासको मत पाएका थिए । देउवाले संसदमा रहेका कूल सांसद संख्याको १६५ मत पाएका हुन् ।

I congratulate H.E. Sher Bahadur Deuba, Prime Minister of Nepal, on winning the vote of confidence from the House of Representatives. Pakistan looks forward to further deepening its cordial ties with Nepal & would continue to work closely with Nepal on issues of common interest.

— Imran Khan (@ImranKhanPTI) July 19, 2021