काठमाण्डु – पछिल्लो २४ घण्टामा नेपालमा २१६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर र एन्टिजेन विधिबाट गरिएको ७ हजार ६३१ परीक्षणबाट २१६ जनामा कोरोना संक्रमण पुष्टि भएको हो । आज देशभर २०९ जना कोरोना संक्रमित निको भएका छन् ।

यो सँगै निको हुनेको संख्या ८ लाख १२ हजार ४१९ पुगेको छ । त्यसैगरी पछिल्लो २४ घण्टामा कोरोना संक्रमणबाट २ जनाको मृत्यु भएको मन्त्रालयले जनाएको छ । कोरोनाबाट हालसम्म ११ हजार ५९८ जनाको मृत्यु भएको छ ।