काठमाण्डु- लुम्बिनी प्रदेशसभा सचिव दुर्लभकुमार पुनले शपथ लिएका छन्। सभामुख तुलाराम घर्तीमगरले सचिव पुनलाई बुधबार पद तथा गोपनियताको शपथ ग्रहण गराएका हुन्।

उनलाई सभामुख घर्तीको सिफारिसमा प्रदेश प्रमुख अमिक शेरचनले प्रदेशसभा सचिव पदमा नियुक्त गरेका हुन्। आइतबार प्रदेश प्रमुख शेरचनको कार्यालयमा जिम्मेवारी पाएका पुनले बुधबार शपथग्रहणपछि पुनः काम सुरु गरेका छन्। पुनले यसअघि ५ वर्ष प्रदेशसभा सचिवको जिम्मेवारी सम्हालिसकेका छन्।

दोस्रो कार्यकालको लागि जिम्मेवारी पाएका पुनले पहिलो कार्यकालमा शून्यबाट सुरु गरेर अस्थायी राजधानीबाट काम गर्दा भौतिक पूर्वाधार, संघीयता कार्यान्यवन र कानुन निर्माणमा संसद् सचिवालयमा काम गरेको बताए।