काठमाण्डु – जल तथा माैसम पूर्वानुमान महाशाखाले शुक्रबारकाे माैसम पूर्वानुमान गरेकाे छ।

आज दिउँसो कोशी गण्डकी र कर्णाली प्रदेशको पहाडी भू–भागका एक–दुई स्थानमा हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार आज पहाडी भू–भागमा आंशिकदेखि साधारणतया बदलीको अवस्था रहनेछ । बाँकी भू–भागमा भने आंशिक बदलीदेखि मौसम मुख्यतया सफा रहने महाशाखाले नियमित बुलेटिनमार्फत् उल्लेख गरेको छ।

शुक्रबार देशको उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावना रहेको छ। अहिले बिहान देशका पहाडी भू–भागमा आंशिक बदलीकै अवस्था छ। बाँकी भू–भागमा मुख्यतया सफा रहेकोछ ।

तराईका अधिकांश स्थान हुस्सुरकुहिरोले ढपक्कै ढाकेको छ। राति देशका पहाडी भू–भागमा आंशिक देखि साधारणतया बदलिको अवस्था रहनेछ। बाँकी भू–भागमा आंशिक बदलीदेखि मौसम मुख्यतया सफा रहने महाशाखाले जानकारी दिएको छ। हाल नेपालमा पश्चिमी वायुको आंशिक प्रभाव रहेको छ।