काठमाण्डु– एसीसी पुरुष यू–१६ इस्ट जोन कपमा नेपाललाई मलेसियाले ९१ रनको सामान्य लक्ष्य दिएको छ।

मलेसियाको क्वालालाम्पुरस्थित सेलेङगोर टर्फ क्लबमा पहिले ब्याटिङ गरेको मलेसिया ४३.१ ओभरमा ९० रन बनाएर अलआउट भयो ।

मलेसियाका लागि मोहमद फाथुल मुइनले सर्वाधिक ३८ रन, कप्तान डियान पट्रोले १० रनमात्र बनाउन सके । बाँकी ब्याटरले दोहोरो अंक बनाउन सकेनन्।

नेपालका लागि शुभम् खनालले ४ विकेट, सचिन भट्टले २ र विपिन शर्माले १ विकेट लिए।

यो खेल जिते नेपाल दोस्रो सेमिफाइनलको विजेतासँग उपाधिका लागि भिड्नेछ।

आजै हुने दोस्रो सेमिफाइनलमा हङकङ र सिगांपुर भिड्दै छन्।