काठमाण्डु- चितवनको इच्छाकामना गाउँपालिकास्थित तुइनखोला नजिक शुक्रबार साँझ पहिरो खस्दा सवारीसाधन र यात्रुहरू रोकिएका छन्।

यात्रुहरूको भनाइअनुसार अचानक खसेको ढुंगाले गुडिरहेको माइक्रोबसमा ठोक्किँदा अगाडिको सिसा फुटेको छ। तर मानवीय क्षति भने नभएको प्रहरीको जानकारी छ।

पहिरोका कारण पूर्व–पश्चिम राजमार्ग हुँदै काठमाण्डु जाने–आउने सवारीसाधन जाममा परेका छन्। बाटो अवरुद्ध बनेपछि यात्रुहरू अलपत्र परेका छन्।

सडक खुलाउन पहिरो पन्छ्याउने काम तीव्र पारिएको चितवन प्रहरीले जनाएको छ।