काठमाण्डु– नारायणगढ–मुग्लिन सडकखण्डको तुइन खोलामा पहिरो खस्दा सडक दुईतर्फी रूपमा अवरुद्ध भएको छ। इच्छाकामना गाउँपालिका–६ तुइन खोलामा आज साँझ आएको पहिरोले सडक अवरुद्ध भएको हो।

जिल्ला ट्राफिक प्रहरी कार्यालय चितवनका प्रमुख गायत्री शर्माले आज साँझ खसेको पहिरोका कारण सडक अवरुद्ध भएको बताउँदै पहिरो पन्छाउने काम सुरु गरिएको जानकारी दिए। माथिबाट पहिरो आउने जोखिम कायमै रहेको उनको भनाइ छ।

आज दिउँसोदेखि पहिरो खस्ने र पन्छाउने काम गरिरहेको शर्माले बताए। साँझपख आएको पहिरो पन्छाउन भोलि सम्म कुर्नपर्ने भएको छ ।

रातिमा माथिबाट पहिरो खसेको नदेखिने हुनाले बिहानपख मात्रै पहिरो पन्छाउने काम थाल्ने बताइएको छ । शनिबार बिहान ४ बजेपछि मात्रै पहिरो पन्छाउने कार्य थालिने

पहिरोका कारण पूर्व–पश्चिम राजमार्ग हुँदै काठमाण्डु जाने–आउने सवारीसाधन जाममा परेका छन् भने यात्रुहरू अलपत्र परेका छन्।

पहिरो खस्ने जोखिम रहेकाले रातको समयमा यस खण्डको प्रयोग नगर्न प्रहरीले यात्रु तथा सवारीचालकलाई आग्रह गरेको छ।