काठमाण्डु – बंगलादेशमा शुक्रबार बिहान भूकम्प जाँदा ३ जनाको मृत्यु भएको छ ।

५.७ म्याग्निच्युडको भूकम्प जाँदा तीन जनाको मृत्यु र ५० भन्दा बढी घाइते भएका हुन् ।

भूकम्पको केन्द्रबिन्दु राजधानी ढाकाबाट २५ किलोमिटर टाढा रहेको नरसिंदीको माधबादी थियो। भूकम्पको धक्का यति शक्तिशाली थियो कि दश तल्ले भवन छेउतिर ढल्कियो। बंगलादेशमा भइरहेको बंगलादेश–आयरल्यान्ड अन्तर्राष्ट्रिय क्रिकेट खेल पनि रोकिएको थियो।

स्थानीय मिडियाले छ जनाको मृत्यु भएको दाबी गरेको छ । यद्यपि प्रहरीले अहिलेसम्म तीन जनाको मृत्युको पुष्टि गरेको छ।

अमेरिकी भूगर्भ सर्वेक्षणका भूकम्प विज्ञहरूका अनुसार भारत र युरेसिया प्लेटहरूको निरन्तर अन्तरक्रियाका कारण बंगलादेशको उत्तरी तथा दक्षिणपूर्वी भाग भूकम्पीय रूपमा सक्रिय क्षेत्र मानिन्छ। तर देशको मध्य भाग तुलनात्मक रूपमा कम सक्रिय क्षेत्रमा पर्छ, जसकारण यस पटक आएको कम्पन अझ अप्रत्याशित रूपमा अनुभव गरिएको बताइन्छ।

बंगलादेशी अधिकारीहरूका अनुसार उद्धार तथा क्षति मूल्यांकनका कार्य निरन्तर जारी छन्। देशभरका नागरिकलाई सतर्क रहन र सम्भावित परकम्पनबारे सचेत रहन अपिल गरिएको छ।