काठमाण्डु– ‘हामी नेपाल’ का संस्थापक सुदन गुरुङले गोरखा-१ बाट चुनाव लड्ने घोषणा गरेका छन् ।

शुक्रबार उनले सामाजिक सञ्जालमार्फत फागुनमा हुने प्रतिनिधिसभा चुनावमा गोरखा-१ बाट प्रत्यक्षतर्फ उम्मेदवारी दिने घोषणा गरेका हुन् ।

गुरुङले लेखेका छन्, ‘गोरखा क्षेत्र नम्बर-१ बाट आगामी प्रतिनिधिसभा निर्वाचनमा उम्मेदवारी दिने औपचारिक घोषणा गर्न चाहन्छु । आफ्नै गाउँ, आफ्नै माटोबाट परिवर्तनको सुरुवात। नयाँ शक्ति, नयाँ अनुहार, नयाँ नेपाल।’

कुन पार्टीबाट लड्ने भन्ने उनले स्पष्ट पारेका छैनन् ।