काठमाण्डु– आईसीसी विश्वकप लिग २ अन्तर्गतको नेपाल, अमेरिका र स्कटल्याण्डबीचको त्रिकोणात्मक श्रृङ्खला आजदेखि सुरु हुँदैछ।

नेपालले आफ्नो पहिलो खेलमा स्कटल्याण्डसँग खेल्दै छ । खेल ९ः३० बजे कीर्तिपुरस्थित टियु मैदानमा सुरु हुनेछ।

नेपालले गत जुनमा भएको श्रृङ्खलामा स्कटल्याण्डसँगको एक खेल जितेको थियो भने अर्को खेल पराजय भोगेको थियो भने नेपालले अमेरिकासँग यसअघि गत अक्टोबर–नोभेम्बरमा भएको प्रतिस्पर्धामा दुबै खेल हारेको थियो भने सन् २०२४ को अक्टोबर नोभेम्बरको दुबै खेलमा पनि नेपाल अमेरिकासँग पराजित भएको थियो।

नेपाली टोलीमा रोहित पौडेल (कप्तान), दीपेन्द्र सिंह ऐरी (उपकप्तान), कुशल भुर्तेल, आरिफ शेख, भीम सार्की, आशिफ शेख, ईशान पाण्डे, गुलशन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र करण केसी रहेका छन्।