काठमाण्डु– रास्वपा कोसी प्रदेश सभाको सभापति पदमा निर्वाचन लडेकी गोमा तामाङ (शरिन) ले राजनीतिक सन्नयासकाे घोषणा गरेकी छन्।

कोसी प्रदेश सभापति निर्वाचनमा पराजित हुने भएपछि कार्यवाहक अध्यक्ष तामाङले सामाजिक सञ्जालमार्फत् राजनीतिबाट बिट मारेको घोषणा गरेकी हुन्।

उनले चन्द्र राईसँग हार निश्चित भएपछि आजैबाट राजनीतिक बिट मारेको घोषणा गरेकी छन् । उनले मतदाता सम्पूर्ण साथीहरूलाई हार्दिक धन्यवाद व्यक्त गरेकी छन् । प्रदेश कार्यवाहक सभापति सरीन रास्वपाकी संस्थापक नेतृ हुन् ।

तामाङ रास्वपा उम्मेदवारका रूपमा सुनसरी १ बाट दुईपटक प्रतिनिधिसभा निर्वाचन लडिसकेकी नेतृ हुन्।

गत फागुनमा भएको निर्वाचनमा श्रम संस्कृति पार्टीका अध्यक्ष हर्कराज राईसँग झण्डै १० हजार मतले हारेकी थिइन् ।