काठमाण्डु – युवा, श्रम तथा रोजगारमन्त्री रामजी यादवले फ्री भिसा फ्री टिकटको अवधारण नै गलत भएको बताएका छन् ।

प्रतिनिधिसभाको बुधबारको बैठकमा बजेटमाथि मन्त्रालयत छलफलको जवाफ दिने क्रममा मन्त्री यादवले यसलाई परिवर्तनका लागि कार्यदल गठन गरिएको बताए । ‘फ्री भ्रिसा फ्री टिकट गलत शब्द हो । त्यतिबेला त्यही गरिएको हो । गलत कन्सेप्ट हो’ उनले भने ।

यसलाई परिवर्तन गर्नका लागि जेठ २२ गते कार्यदल गठन गरेर ३५ दिनको समय दिएको छु,’ उनले भने । उनले कार्यदलको रिपोर्ट आइसकेपछि व्यवहारिक हुने गरी अघि बढाउने बताए ।