काठमाण्डु– शुक्रबार नेपाली बजारमा सुनको भाउ ह्वात्तै घटेको छ । बिहीबारको तुलनामा शुक्रबार सुनको भाउ तोलामा १० हजार ५ सय रुपैयाँले घटेको हो ।

हिजो २ लाख ९७ हजार २ सय रुपैयाँमा कारोबार भएको सुन आज २ लाख ८६ हजार ७ सय रुपैयाँमा कारोबार हुने नेपाल सुनचाँदी व्ययसायी महासंघले जनाएको छ ।

यस्तै आज चाँदीको भाउपनि भारी घटेको छ । आज चाँदीको भाउ तोलामा ३०५ रुपैयाँ घटेर ४६४० रुपैयाँ कायम भएको महासंघले जनाएको छ ।