काठमाण्डु- नेकपा एमालेका उपाध्यक्ष विष्णुप्रसाद पौडेललाई विशेष अदालतमा उपस्थित गराइएको छ ।

सोमबार सुर्खेतमा पक्राउ परेका पौडेललाई सम्पत्ति शुद्दीकरण विभाग हुँदै अहिले विशेष अदालतमा उपस्थित गराइएको हो ।

सरकारी वकिलले उनलाई हिरासतमा राख्न विशेष अदालतमा म्याद थप गर्न पेस गरेको हो ।

पौडेललाई सोमबार सम्पत्ति शुद्धीकरण अनुसन्धान विभागको पत्रको आधारमा सुर्खेतबाट पक्राउ गरेर काठमाण्डु ल्याइएको हो । 

उनी वीरेन्द्रनगर नगरपालिका–३ स्थित शुभ होटलबाट पार्टीको कार्यक्रम जारी रहेको बेला पक्राउ परेका थिए । उनलाई माइक्रोबसमा हालेर आज अपरान्ह  काठमाण्डु ल्याइएको हो ।