काठमाण्डु – राष्ट्रपति रामचन्द्र पौडेलले वैकल्पिक विकास वित्त परिचालन विधेयक, २०८३ प्रमाणीकरण गरेका छन् ।

राष्ट्रपतिको कार्यालयले बिहीबार जारी गरेको विज्ञप्तिअनुसार संघीय संसद्को प्रतिनिधि सभाबाट पारित भई प्रमाणीकरणका लागि पेश भएको विधेयक नेपालको संविधानको धारा ११३ को उपधारा (२) बमोजिम प्रमाणीकरण गरिएको राष्ट्रपतिको कार्यालयका प्रवक्ता रितेशकुमार शाक्यद्वारा जारी विज्ञप्तिमा उल्लेख छ ।

विधेयक प्रमाणीकरण भएसँगै अब कानुन कार्यान्वयनको प्रक्रियामा अघि बढ्नेछ ।

संविधानअनुसार संघीय संसद्बाट पारित भई राष्ट्रपतिसमक्ष प्रमाणीकरणका लागि पेश भएका विधेयकहरू राष्ट्रपतिबाट प्रमाणीकरण भएपछि नेपाल राजपत्रमा प्रकाशित भएर कानुनी मान्यता पाउँछन् ।