चितवन – चितवनको कालिका नगरपालिका–३ को वडा कार्यालयमा आगजनी भएको छ ।
वडा कार्यालयमा आज बिहान ३ बजे अज्ञात समूहले झ्याल फोडेर भित्र पसि पेट्रोल छर्केर आगजनी गरेको जिल्ला प्रहरी कार्यालय चितवनले जनाएको छ ।

आगजनीबाट कार्यालयभित्र रहेका कागजात, टेबुल, कुर्सी, कम्प्युटर, प्रिन्टरलगायतका महत्वपूर्ण सामग्री जलेर नष्ट भएको छ ।

प्रहरी र स्थानीयवासीको सहयोगमा साढे ३ बजे आगो नियन्त्रणमा ल्याइएको थियो । आगजनी कसले र किन गरेको भन्नेबारे केही नखुलेको र अनुसन्धान भइरहेको प्रहरीले जनाएको छ ।