ग्वार्कोमा गाडीले ठक्कर दिंदा यादवको मृत्यु
काठमाण्डु – ललितपुर महानगरपालिका–१७ ग्वार्कोमा गाडीले ठक्कर दिंदा सिराहा घर भई कोटेश्वर बस्दै आएका ३२ वर्षीय जयनाथ यादवको मृत्यु भएको छ ।
प्रदेश ०२–०१–००२ प ९१७५ नम्बरको मोटरसाइकललाई राति १० बजेतिर ग्वार्कोमा पहिचान नभएको गाडीले ठक्कर दिएको थियो ।
गाडीको ठक्करबाट गम्भीर घाइते भएका यादवलाई उद्धार गरी बी एन्ड बी अस्पताल पुर्याइएकोमा चिकित्सकले मृत घोषणा गरेका थिए । उनको शव अस्पतालमै छ ।
सीसीटीभीको भिडियो हेर्दा मोटरसाइकललाई टिपरले ठक्कर दिएकोको जस्तो देखिएका ठक्कर दिने गाडीको खोजी भइरहेको प्रहरी जानकारी दिएको छ ।