कास्की – मंगलबार सिक्लेसमा पत्रकारहरुसँगको छलफलमा नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले यस वर्ष नबढेको वृद्धभत्तालाई आगामी बजेटमा क्षतिपूर्तिसहित बढाइने बताएका छन् ।

 उनले भने, ‘चुनावको बेलामा पाँच हजार र्पुयाउँछौं भनेर भनियो तर पाँच पैसा पनि बढेन, हामीले यो समीक्षा गरिसकेका छौं, अब बिस्तारै नयाँ बजेटको तयारी हुन्छ, अब यो वर्ष वृद्धभत्ता नबढेको क्षतिपूर्तिसहित बजेटमा व्यवस्था गर्ने भन्ने कुरा सचिवालयमा सहमति भइसकेको छ।’

यस्तै उनले विकास निर्माणका कामले पनि विस्तारै गति लिन थालेको बताउँदै सिक्लेस आउने बाटो पिच गर्ने बताए ।