३ लाख घूससहित वडाध्यक्ष देवेन्द्र पुन पक्राउ
कठमाडौं – अख्तियार दुरुपयोग अनुसन्धान आयोगले ३ लाख घूससहित वडाध्यक्ष देवेन्द्र पुनलाई पक्राउ गरेको छ । पाल्पाको रैनादेवी छहरा गाउँपालिका वडा नम्बर ७ का वडाध्यक्ष देवेन्द्र पुनलाई शनिबार बिहान पक्राउ गरेको हो ।
अख्तियार दुरुपयोग अनुसन्धान आयोग बुटवल कार्यालयले काठ लिलामीमा सहजीकरण गरिदिने भन्दै उपभोक्ताबाट रकम लिँदै गर्दा उनलाई घूससहित पक्राउ गरेको हो । कार्यालयका सूचना अधिकृत सुरेश भुसालले सैनामैना–१० झिमझिमेमा उपभोक्ताबाट रकम लिँदै गर्दा उनलाई पक्राउ गरेको बताए ।
