काठमाण्डु अख्तियार दुरुपयोग अनुसन्धान आयोगले घुस रकमसहित सब–इन्जिनियरलाई नियन्त्रणमा लिएको छ ।

अख्तियार दुरुपयोग अनुसन्धान आयोगको टोलीले काठमाण्डुको बुढानिलकण्ठ नगरपालिकाका सब इन्जिनियर टीकाराज राईलाई ८० हजार रुपैयाँ घुससहित पक्राउ गरेको हो ।

बुढानिलकण्ठ नगरपालिकामा कार्यरत सव इन्जिनियर राईले घर निर्माण सम्पन्न भएको प्रमाणपत्र उपलब्ध गराए वापत सेवाग्राहीसँग घुसररिसवत माग गरिरहेको भन्‍ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग, टंगालबाट खटिई गएको टोलीले राईलाई सेवाग्राहीबाट ८० हजार घुसररिसवत लिइसकेको अवस्थामा उक्त रकमसहित बुढानिलकण्ठ नगरपालिका वडा नं. ७ बाट नियन्त्रणमा लिएको अख्तियारे जनाएको छ ।