काठमाण्डु – नेकपा एमाले सम्बद्ध राष्ट्रिय युवा संघ नेपालको ‘मार्चपास’ स्थगित भएको छ । एमाले एकता कार्यदलमा रहेका नेताहरूले वार्ता सहमतिमा पुग्न लागेका बेला सडकमा प्रदर्शन नगर्न भनेपछि शनिबारको सडक प्रदर्शन अचानक स्थगित भएको हो ।

अपरान्ह ३ बजे युवासंघको कार्यालय नयाँ बानेश्वरदेखि माइतीघरसम्म निर्वाचनको पक्षमा मार्चपास गर्ने कार्यक्रम तय भएकोमा पार्टीको निर्देशनपछि स्थगित भएको युवा संघका उपमहासचिव रामजी सापकोटाले बताए ।

एमाले एकताको लागि गठित कार्यदलले सहमतिको मस्यौदा तयार पारेको छ । आज साँझसम्म शीर्ष नेताहरूबीचको छलफलपछि एमाले एक रहेको सन्देश दिने तयारी भइरहेकाले सडकमा प्रदर्शन नगर्न कार्यदलका नेताहरूले निर्देशन दिएको बताइएको छ ।