काठमाण्डु – ललितपुरमा बाढीमा फसेका ९ जनाको हेलिकोप्टरमार्फत उद्धार गरिएको छ ।

शनिबार नेपाली सेनाको हेलिकोप्टरमार्फत उनीहरूको उद्धार गरिएको हो ।

ललितपुरको मख्खुबेंसी क्षेत्रबाट हेलिकोप्टरमार्फत ५ जनाको उद्धार गरिएको नेपाली सेनाले जनाएको छ । उद्धार गरी उनीहरूलाई काठमाण्डु ल्याइएको छ ।

ललितपुर महानगरपालिका–१४ कान्तिपुर कोलोनीमा डुबानमा फसेका २ जनाको हेलिकोप्टरमार्फत उद्धार गरिएको छ ।

ललितपुरकै कुसुन्ती चोकमा डुबानमा फसेका २ जनाको हेलिकोप्टरमार्फत उद्धार गरिएको सेनाले जनाएको छ ।