काठमाण्डु – अवैध लागूऔषधसहित प्रहरीले पर्सा र मकवानपुरबाट २ जनालाई पक्राउ गरेको छ ।

पर्साको वीरगञ्ज महानगरपालिका–१६ नगवा पोखरीबाट अवैध लागूऔषध ब्राउनसुगर १२० मिलिग्रामसहित स्थानीय २० वर्षीय नितेश महतोलाई मंगलबार दिउँसो प्रहरीले पक्राउ गरेको छ ।

वडा प्रहरी कार्यालय बिर्ताबाट खटिएको प्रहरी टोलीले उनलाई लागूपदार्थसहित पक्राउ गरेको छ ।

मकवानपुरको हेटौंडा उपमहानगरपालिका–९ सिर्जना टोलबाट अवैध लागूऔषध खैरो हेरोइन करीब १ ग्राम ८० मिलिग्रामसहित हेटौंडा उपमहानगरपालिका–४ कर्रा बस्ने ३६ वर्षीय संजोग पौडेललाई मंगलबार दिउँसो प्रहरीले पक्राउ गरेको छ । वडा प्रहरी कार्यालय सानोपोखराबाट खटिएको प्रहरी टोलीले उनलाई लागूपदार्थसहित पक्राउ गरेको छ ।

लागूपदार्थ सम्बन्धमा आवश्यक अनुसन्धान गरिरहेको प्रहरीले जनाएको छ ।