काठमाण्डु – गृहमन्त्री बालकृष्ण खाँणको सिफारिसमा ४१ जनाको नेपाल प्रहरीको जवान पदमा नाम निकालिदिएको भन्दै स्टाटस लेख्ने एक जना पक्राउ परेका छन् । पक्राउ पर्नेमा प्युठानको ऐरावती गाउँपालिका –१ का ३० वर्षीय नरेन्द्र गुरुङ रहेका छन्  ।

उनले गृहमन्त्री खाँणको सहयोगमा प्युठानका ११ जना र देशभरबाट ४१ जनाको नाम निकाल्न सफल भएको फेसबुकमा लेखेका थिए । गुरुङले प्युठानबाट कांग्रेसका उपसभापति बद्री लम्सालले सिफारिस गरेको र युवाहरूलाई नाम निकाल्न गृहमन्त्री खाँणले सहयोग गरेको उल्लेख गरेका थिए । उनले फेसबुकमार्फत सहयोगका लागि भन्दै गृहमन्त्री खाँणलाई धन्यवाद समेत दिएका थिए ।