झापा – प्रहरीले श्रीमतीको हत्या गरेको अभियोगमा १ जनालाई पक्राउ गरेको छ ।

६० वर्षीया ईन्द्रकुमारी विश्वकर्माको हत्या गरेको अभियोगमा ईलामको माङसेबुङ गाउँपालिका–४ घर भई झापाको दमक नगरपालिका–२ बगर मखमली टोल बस्ने ६० वर्षीय धनबहादुर बिश्वकर्मालाई शनिबार दिउँसो प्रहरीले पक्राउ गरेको छ ।

सामान्य विवादको क्रममा धनबहादुरले धारिलो हतियार खुकुरी प्रहार गर्दा ईन्द्रकुमारीको घटनास्थलमै मृत्यु भएको भन्ने खबर प्राप्त हुनासाथ ईलाका प्रहरी कार्यालय दमक र प्रहरी चौकी बाघखोरबाट खटिएको प्रहरीले उनलाई पक्राउ गरेको छ ।

घटना सम्बन्धमा आवश्यक अनुसन्धान गरिरहेको प्रहरीले जनाएको छ ।