काठमाण्डु – पोर्चुगल पठाइदिने प्रलोभनमा पारेर १५ लाख ठगी गरेको आरोपमा प्रहरीले १ जनालाई पक्राउ गरेको छ ।

पक्राउ पर्नेमा सिन्धुपाल्चोकको लिसंखुपाखर गाउँपालिका–४ घर भई हाल काठमाण्डु–२६ मित्रनगर बस्ने २३ वर्षीय टिकाबहादुर भण्डारी रहेका छन् ।

पोर्चुगलको प्रतिष्ठित कृषि कम्पनीमा काम लगाइदिने आश्वासन दिएर टोपेन्द्र घर्तीसहित २ जनासँग १५ लाख रुपैयाँ लिएर उनी सम्पर्कविहीन भएपछि उजुरी परेको थियो ।

काठमाण्डु उपत्यका अपराध अनुसन्धान कार्यालयको टोलीले मित्रनगरबाट उनलाई पक्राउ गरी थप अनुसन्धान तथा कारबाहीका लागि वैदेशिक रोजगार विभागमा पठाएको छ ।