सुर्खेत – वीरेन्द्रनगर नगरपालिका–७ शंकरचोकबाट अवैध लागूऔषध ब्राउनसुगर करीब ७ ग्राम २९० मिलिग्रामसहित २ जनालाई बिहीबार दिउँसो प्रहरीले पक्राउ गरेको छ ।

पक्राउ पर्नेहरूमा वीरेन्द्रनगर नगरपालिका–१२ नेवारे बस्ने २५ वर्षीय दिपक कुँवर र बराहताल गाउँपालिका–८ बस्ने २३ वर्षीय डिल बहादुर नेपाली छन् ।

लागूऔषध नियन्त्रण ब्यूरो शाखा कार्यालय सुर्खेतबाट खटिएको प्रहरी टोलीले उनीहरूलाई लागूपदार्थसहित पक्राउ गरेको छ ।

लागूपदार्थ सम्बन्धमा आवश्यक अनुसन्धान गरिरहेको प्रहरीले जनाएको छ ।