काठमाण्डु – जनता समाजवादी पार्टीका अध्यक्ष डा. बाबुराम भट्टराईले राजावादीहरुलाई राष्ट्रवादी नभन्न चेतावनी दिएका छन् । शुक्रबार सामाजिक सञ्जालमार्फत डा. भट्टराईले पूर्वराजा र राजावादीहरु राष्ट्रवादी नभएको बताएका हुन् ।

पछिल्लो समय देशभर ‘राजा आउ देश बचाउ’ भन्दै प्रदर्शन भइरहेका बेला पूर्वप्रधानमन्त्रीसमेत रहेका डा. भट्टराईले अरू जेसुकै दावी गरे पनि आफूलाई ‘राष्ट्रवादी’ हौँ भनेर दावी नगर्न पूर्वराजा र राजावादीहरूलाई चेतावनी दिएका छन् ।

शुक्रबार बिहान सामाजिक सञ्जाल ट्विटरमा उनले राजवादीहरुले देशभित्र र बाहिर धर्मको राजनीति गरिरहेको र त्यो कुरा नेपाली जनताले बुझेको समेत बताएका छन् ।

‘पूर्वराजा र राजावादीहरूले अरू जेसुकै दावी गरे पनि आफुलाई ’राष्ट्रवादी’चैं नभनून् !, उनको जस्तो धर्मको राजनीति देशबाहिर कस्ले गरिरहेको छ र त्यसको सालनाल कसरी जोडिएको छ नेपाली जनताले बुझेका छैनन् भन्ने नठानून् । नेपालमा गणतन्त्रको जग हल्लिँदा आउने अस्थीरताले देशको भविष्य के हुन्छ, सोचून्!’, भट्टराइले लेखेका छन् ।

गणतन्त्र, संघीयता, धर्म निरपेक्षता, समावेशी लोकतन्त्र आधुनिक नेपालरूपी खाटका चार खुट्टा भएको भन्दै कुनै एउटा खुट्टा भाँचिदा पूरै खाट लड्छ भन्ने वैज्ञानिक तथ्यलाई बुझ्न पनि उनले चेतावनी दिएका छन्।

‘गणतन्त्र,संघीयता,धर्मनिरपेक्षता,समावेसी लोकतन्त्र आधुनिक नेपालरूपी खाटका ४ खुट्टा हुन् । यीमध्ये कुनै एक खुट्टा भॉचिदा पूरै खाट लड्छ । यो वैज्ञानिक तथ्य विभिन्न पार्टीभित्र रहेका छद्म राजावादी,एकल धर्मवादी,संघीयता विरोधीहरूले वेलैमा बुझून् । चकचके बॉदरको कथामा झैं आफ्नै अण्डकोष नफोरून् !’, उनले लेखेका छन् ।

पूर्व राजा र राजावादीहरूले अरू जेसुकै दावी गरे पनि आफुलाई’राष्ट्रवादी’चैं नभनून्!उनको जस्तो धर्मको राजनीति देशबाहिर कस्ले गरिरहेको छ र त्यसको सालनाल कसरी जोडिएको छ नेपाली जनताले बुझेका छैनन् भन्ने नठानून्।नेपालमा गणतन्त्रको जग हल्लिदा आउने अस्थीरताले देशको भविष्य के हुन्छ सोचून्!

— Baburam Bhattarai (@brb1954) November 27, 2020

गणतन्त्र,संघीयता,धर्मनिरपेक्षता,समावेसी लोकतन्त्र आधुनिक नेपालरूपी खाटका४खुट्टा हुन्।यीमध्ये कुनै एक खुट्टा भाॅचिदा पूरै खाट लड्छ।यो वैज्ञानिक तथ्य विभिन्न पार्टीभित्र रहेका छद्म राजावादी,एकल धर्मवादी,संघीयताविरोधीहरूले वेलैमा बुझून्।चकचके बाॅदरको कथामा झैं आफ्नै अण्डकोष नफोरून्!

— Baburam Bhattarai (@brb1954) November 27, 2020