काठमाण्डु – जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईको चर्को आलोचना भएको छ ।

हिन्दु धर्मविरुद्ध विवादास्पद अभिव्यक्ति दिएपछि डा. भट्टराईको नेपाल र भारतमासमेत आलोचना भएको हो । उत्तार प्रदेशका मुख्यमन्त्री योगी आदित्यनाथले नदीमा दुध चढाउँदै गरेको फोटोमाथि विरोध जनाएका डा. भट्टराईको भारतीय नेतालेसमेत आलोचना गरेका छन् ।

‘आस्था भनेको एउटा खतरनाक चीज हो । यसले तपाईंलाई दूधलाई फ्याँक्न र पिसाबलाई पिउन बाध्य तुल्याउँछ,’ बाबुरामले ट्वीटमा भनेका छन् ।

बाबुरामको उक्त ट्वीटपछि भारतको सत्तारुढ दल बीजेपीका विदेश विभाग प्रमुख विजय चौंथाइवालेले आपत्ति जनाएका छन् । उनले बाबुरामले इदको अवसरमा हिन्दू धर्म र संस्कारको अपमान गरेको भन्दै आपत्ति जनाएका हुन् ।

‘प्रिय बाबुरामजी । यो निश्चय छ कि तिमी र तिम्रो सहपाठी इदको अवसरमा हिन्दू धर्म र संस्कारको अपमान गर्दैछौ,’ उनले ट्वीटमा लेखेका छन् ।

त्यस्तै राष्ट्रिय प्रजातन्त्र पार्टी (राप्रपा) का अध्यक्ष कमल थापाले डा. भट्टराईको अभिव्यक्तिमाथि आपत्ति जनाएका छन् । उनले भनेका छन्, ‘योगीले खोलामा दूध बगाउँदा तपाईंको टाउको दुख्छ तर तपाईं आफूले खोलामा मान्छेको रगत बगाको, मान्छेको लास बगाएको, जिउँदै मान्छेलाई नै बगाएको चाहिँ बिर्सिनुभयो ?’

(Circulated by @CltrShift)योगीले खोलामा दूध बगाउँदा तपाईंको टाउको दुख्छ तर तपाईं आफूले खोलामा मान्छेको रगत बगाको,मान्छेको लास बगाएको,जिउँदै मान्छेलाई नै बगाएको चाहिँ बिर्सिनुभयो ??
PS. Don't try to play with fire my dear classmate @brb1954
and don't equate 'faith' with religion. https://t.co/ZLvOZEtCZb

— Kamal Thapa (@KTnepal) July 21, 2021

Dear Shri @brb1954 ji, it's quite obvious that you and your classmates would insult Hindu faith and rituals on the occasion of Eid. https://t.co/wNm2nLhaTM

— Dr Vijay Chauthaiwale (@vijai63) July 21, 2021