काठमाण्डु – समाजवादी पार्टीका नेता डा.बाबुराम भट्टराईले प्रधानमन्त्री केपी शर्मा ओलीलाई पदबाट हटाएर देशलाई बचाउन आग्रह गरेका छन् ।

शनिबार बिहान सामाजिक सञ्जाल ट्वीटरमार्फत एक ट्वीट गर्दै नेता भट्टराईले नेकपाका अध्यक्षसमेत रहेका प्रधानमन्त्री ओलीको बेलगाम हर्कतले देश गम्भीर संकटतिर गएको आरोप लगाउँदै नेकपालाई अलमल नगरी प्रधानमन्त्री ओलीलाई पदबाट हटाएर देशलाई बचाउन आग्रह गरेका हुन् ।

‘प्रधानमन्त्री केपी शर्मा ओलीको वेलगाम हर्कतले देश गम्भीर संकटतिर जाँदैछ,’ नेता भट्टराईले लेखेका छन्, ‘हिटलर पनि निर्वाचित थिए । चरम राष्ट्रवाद उनको पनि हतियार थियो । आखिर के भयो ? संसदबाटै संकटमोचन किन हुन्न ? ओली हटाऔं, देश बचाऔं,’ भट्टराईले लेखेका छन् । उनले हिटलरसँग तुलना गर्दै ओलीको आलोचना समेत गरेका छन् ।

प्रम@kpsharmaoli को वेलगाम हर्कतले देश गम्भीर संकटतिर जाँदैछ।कोरोना,अर्थतन्त्र,भ्रष्टाचार,विदेशनीति,जातीय/धार्मिक द्वेष,राज्यका अंग.!स्मरण रहोस् हिट्लर पनि निर्वाचित थिए;चरम राष्ट्रवाद उनको पनि हतियार थियो।आखिर के भयो?नेकपा किन अलमलमा?संसदबाटै संकटमोचन किन हुन्न?#ओलीहटाऔंदेशबचाऔं

— Baburam Bhattarai (@brb1954) July 18, 2020