बाँके–बाँकेमा २ युवामाथि खुकुरी प्रहार भएको छ ।

बैजनाथ गाउँपालिका वडा नम्बर ७ प्रशुरामपुरका २८ वर्षीय सुलभ मल्ल र राप्ती सोनारी गाउँपालिका वडा नम्बर २ का २८ वर्षीय सन्दिप बिष्ट माथि खुकुरी प्रहार भएको हो ।

शनिबार बेलुकी ८ बजे राप्ती सोनारी वडा नम्बर २ बिलौना चोकमा एक समूहले उनीहरूमाथि खुकुरी प्रहार गरेका थिए।

उनीहरुको अवस्था गम्भीर रहेको बताइएको छ । मल्लको बायाँ कोखामा र बिष्टको दुवै हातको कुममा गहिरो चोट लागेको छ।

घाइतेलाई थप उपचारका लागि भारतको लखनउ रिफर गरिएको छ।

घटना सोधपुछका लागि राप्ती सोनारी गाउँपालिका वडा नम्बर २ का वडाध्यक्ष ज्ञानेन्द्र भनिने ज्ञानु वलीसहित चार जनालाई नियन्त्रणमा लिइएको जिल्ला प्रहरी प्रमुख एसपी तुलबहादुर कार्कीले बताए।

दुवै समूह विगतदेखि नै खोलामा बालुवा–गिट्टीको काम गर्ने समूह रहेको प्रारम्भिक अनुसन्धानबाट खुलेको छ।