चितवन– राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनमा सहभागी हुन प्रधानमन्त्री बालेन्द्र शाह (बालेन) आइतबार मात्र चितवन जाने भएका छन् ।

प्रधानमन्त्री शाह आइतबार बिहान जहाजमार्फत भरतपुर पुग्ने उनको सचिवालयले जनाएको छ ।

भरतपुरको गेष्ट हाउस चौरमा हुने महाधिवेशन उदघाटन समारोहलाई वरिष्ठ नेताका रुपमा शाहले सम्बोधन गर्ने तय भएको महामन्त्री कबिन्द्र बुर्लाकोटीले जानकारी दिए ।

सभापति रवि लामिछानेसहित अधिकांश शीर्ष नेता भने चितवन पुगिसकेका छन् ।

रास्वपा महाधिवेशन आयोजक समितिको अन्तिम बैठक आज साँझ भरतपुरमा बस्दैछ ।