काठमाण्डु– बर्दियाकी एक युवतीले नागरिकता नपाएकै कारण आत्महत्या गरेको भनिएको घटनामाथि छानबिन गर्न गृह मन्त्रालयले समिति गठन गरेको छ।

आइतबार सचिवस्तरीय निर्णय गर्दै, सहसचिव सुरेश पन्थीको संयोजकत्वमा मन्त्रालयकै उपसचिव कुलशेखर अर्याल र एक जना सदस्य रहने गरी घटनाको छानबिन समिति बनाइएको हो ।

समितिलाई घटनाको निष्पक्ष र सत्यतथ्य जाँचबुझ गरी पाँच दिनभित्र प्रतिवेदन पेस गर्न आदेश दिइएको छ।

गृहमन्त्री ओमप्रकाश अर्याललाई हिजो प्रधानमन्त्रीले घटनाको यथार्थ छानबिन गर्न निर्देशन दिएकी थिइन् ।