काठमाण्डु– काभ्रेमा ढलभित्र छिरेर बेपत्ता भएकी महिला मृत फेला परेकी छन् ।

रामेछापको खाडादेवी गाउँपालिका–३ घर भई पनौती नगरपालिका–५ नैकिनटार बस्ने ५० वर्षीया भगवती भागदासकाे शव फेला परेकाे हाे ।

मंगलबार धुलिखेल नगरपालिका–४ श्रीखण्डपुरमा बाटो हिंड्दै गरेकी उनी ढलको मकलभित्र छिरेर बेपत्ता भएकी थिइन् ।

खोजतलास गर्ने क्रममा साढे ११ बजे बगाएको ठाउँबाट अन्दाजी ३ सय मिटरजति तल खेतमा उनको शव भेटिएको जिल्ला प्रहरी कार्यालयका प्रवक्ता तथा डीएसपी राजकुमार श्रेष्ठले बताए ।