काठमाण्डु– नेपाली कांग्रेसले लुम्बिनी प्रदेश महामन्त्री विक्रम खनाललाई एक वर्षका लागि पार्टी सदस्यसमेत नरहने गरी निष्कासन गरेको छ।

पार्टीको केन्द्रीय अनुशासन समितिले खनालमाथि अनुशासनहीन क्रियाकलाप गरेको ठहर गर्दै कारबाही गरेको हो।

समितिका संयोजक आनन्द ढुंगानाले बुधबार खनाललाई कारबाही गरिएको पत्र पठाउँदै लुम्बिनी प्रदेश समितिलाई समेत जानकारी गराएका छन्।

खनालले गत निर्वाचनमा पार्टीका आधिकारिक उम्मेदवारलाई असहयोग गरेको आरोप लागेको छ। यही कारण देखाउँदै कांग्रेस सांसद तथा उद्योगपति विनोद चौधरीले अनुशासन समितिमा उजुरी दिएका थिए।

पार्टी अनुशासन उल्लंघनप्रति कांग्रेसले पछिल्लो समय कठोर कदम चाल्न थालेको छ।