काठमाण्डु- पोखरामा दुर्घटना भएको यति एयरलाइन्सको ब्ल्याक बक्स आज भेटिएको छ । आइतबार दुर्घटना भएको यति एयरलाइन्सको ब्ल्याक बक्स २४ घन्टापछि भेटिएको हो ।

नेपाल नागरिक उड्डयन प्राधिकरणका प्रवक्ता जगन्नाथ निरौलाले जहाजको ब्ल्याक बक्स भेटिएको बताएका छन् । उक्त ब्ल्याक बक्सलाई काठमाण्डुं ल्याउने तयारी भइरहेको छ ।

ब्ल्याक बक्समा जहाज दुर्घटना हुनुअघि पाइलटले आपसमा गरेको कुराकानी रेकर्ड भएको हुन्छ । जसले दुर्घटनाको कारण पत्ता लगाउन सहजीकरण गर्छ । जहाजमा ६८ जना यात्रु र चालक दलका चार जना सदस्य सवार थिए । समाचार तयार गर्दासम्म ६८ जनाको शव भेटिएको छ ।