काठमाण्डु – उद्योगी बिनोद चौधरीलाई कोरोना भाइरसको संक्रमण पुष्टि भएको छ । उनले आज बिहान आएको रिपोर्टमा आफू संक्रमित भएको पुष्टि गरेका छन् ।

चौधरीले सामाजिक सञ्जाल ट्वीटरमार्फत आफूलाई संक्रमण भएको बताएका छन् । उनले आफ्नो सम्पर्कमा आएका सबैलाई परीक्षण गराउन पनि आग्रह गरेका छन् । चौधरीले आफूलाई संक्रमणको लक्षण नदेखिएको बताएका छन् ।

‘प्रिय साथी र शुभेच्छुकहरु, कोरोनाको पीसीआर परीक्षण गर्दा आज बिहान ममा पोजेटिभ देखिएको छ । भगवानको कृपाले अहिलेसम्म कुनै लक्षणहरु देखिएको छैन’, उनले भने, ‘यद्यपि, मैले चिकित्सकहरुको सल्लाहअनुसार आफूलाई आइसोलेट गरेको छु । मसँग सम्पर्कमा आउनुभएका जोकहोही पनि सम्भावित जोखिमबाट जोगिनुहोला ।’

Dear friends and well wishers – I have tested positive for corona as per PCR test this morning! By the grace of god, so far I have no symptoms. However, I have isolated myself as per dr’s advise. Whoever came in contact with me pls take all possible precautions! regards

— Binod Chaudhary (@BinodKChaudhary) August 28, 2020