धनगढी – इजरायल–हमास युद्धमा मारिएका कञ्चनपुरका स्व. विपिन जोशीका परिवारलाई सुदूरपश्चिम प्रदेश सरकारले २ लाख रुपैयाँ आर्थिक सहायता प्रदान गर्ने निर्णय गरेको छ ।

मुख्यमन्त्री कमलबहादुर शाहका अनुसार जोशीको परिवारलाई मानवीय आधारमा सहयोग उपलब्ध गराइनेछ ।

हमासको आक्रमणमा ज्यान गुमाएका नेपालीहरूप्रति सम्मानस्वरूप सरकारले आर्थिक सहायता गर्ने निर्णय गरेको छ । सुदूरपश्चिम प्रदेश मन्त्रिपरिषद्को २०८० असोज २३ गतेको बैठकले इजरायलमा हमासको आक्रमणबाट मृत्यु भएका प्रत्येक नेपालीको परिवारलाई जनही २–२ लाख रुपैयाँ सहयोग गर्ने निर्णय गरेको थियो । निर्णयअनुसार ७ जना मृतकका परिवारलाई सहयोग वितरण भइसकेको र विपिन जोशीलाई असोज २७ गते मृत घोषित गरिएपछि उनको परिवार पनि सहयोग पाउने सूचीमा थपिएको मुख्यमन्त्री शाहले जानकारी दिए ।

सुदूरपश्चिम विश्वविद्यालयमा बीएस्सी एग्रिकल्चर अध्ययनरत जोशी ‘लर्न एन्ड अर्न’ कार्यक्रमअन्तर्गत ११ महिनाको इन्टर्नसिपका लागि सन् २०२३ अक्टोबर ७ मा इजरायल पुगेका थिए ।

हमासको आक्रमणमा परी उनीसहित १० जना नेपाली विद्यार्थीले ज्यान गुमाएका हुन् । विपिनको शव इजरायलबाट नेपाल ल्याइएको छ र उनको अन्तिम संस्कार जन्मथलो कञ्चनपुरमा गरिँदैछ ।