काठमाडौं – नेत्रविक्रम चन्द (विप्लव) समूहका एक दर्जन बढी कार्यकर्ताहरु पक्राउ परेका छन् ।

आइतबार दिउँसो काठमाडौंको प्रद्धशनीमार्गमा विप्लव समूह निकट विद्यार्थी अखिल क्रान्तिकारीको आयोजनामा सीमा अतिक्रमणविरुद्ध प्रदर्शन गर्न लागिएको कार्यक्रमबाट प्रहरीले १३ जनालाई पक्राउ गरेको हो ।

पक्राउ परेकामाथि छानविन भइरहेको काठमाडौं प्रहरी परिसरका प्रवक्ता होमिन्द्र बोगटीले जानकारी दिए । कालापानी, लिपुलेकलगायतका भूभागलाई भारतले आफ्नो नक्साभित्र पारेको विरोधमा प्रदर्शनको तयारी भइरहेको थियो ।