काठमाण्डु – प्रधानमन्त्री शेरबहादुर देउवाले मन्त्रिपरिषद्को बैठक बोलाएका छन् । प्रधानमन्त्री देउवाले सोमबार दिउँसो ३ बजे बालुवाटारमा मन्त्रिपरिषद्को बैठक बोलाएका हुन् ।

देउवा नेतृत्वको मन्त्रिमण्डलमा चार जना मात्रै मन्त्री छन् । असार २९ गते प्रधानमन्त्रीको शपथ लिएका देउवाले एक महिना बित्न लाग्दा पनि मन्त्रिमण्डल विस्तार गर्न सकेका छैनन् ।

सत्ता गठबन्धनका दलहरुबीच मन्त्रालयको भागबन्डा मिल्न नसक्दा मन्त्रिमण्डल विस्तारमा ढिलाई भएको हो । आइतबार सत्ता गठबन्धनले सरकारका न्यूनतम साझा कार्यक्रम सार्वजनिक गरेको थियो । सरकारका न्यूनतम साझा कार्यक्रम आएपछि मन्त्रिमण्डल विस्तारको काम अघि बढ्ने नेताहरुले बताएका छन् ।