काठमाण्डु – सरकारले कोरोना भाइरसको भ्याक्सिन खरिदमा चासो देखाएको छ । सोमबार बसेको मन्त्रिपरिषद्को बैठकले विश्वमा सबैभन्दा पहिले सार्वजनिक हुने भ्याक्सिन जी टू जी प्रक्रियामार्फत खरिद गर्ने निर्णय गरेको हो ।

स्रोतकाअनुसार बैठकले पहिले जुन खोप प्रमाणित हुन्छ उक्त खोप जी टु जी मार्फत खरिद गर्ने निर्णय गरेको छ । त्यस्तै बैठकले सरकारी अस्पतालहरुमा कोरोना संक्रमितहरुको परीक्षण तथा उपचार पूर्ववत निःशुल्क गर्ने निर्णय गरेको छ ।

बैठकले मङ्सिरदेखि चैत्रसम्म मन्त्रीहरुको तलबको ५० प्रतिशत रकम कोरोना कोषमा राख्ने निर्णय गरेको छ ।

त्यस्तै पुस्तकमा लगाइएको १० प्रतिशत कर पनि हटाइएको छ । अर्थ मन्त्रालयको प्रस्तावमा पुस्तकमा लगाइएको १० प्रतिशत कर हटाइएको हो । बैठकले स्वदेशमै मल कारखाना खोल्ने निर्णय गरेको स्रोतले जानकारी दियो ।