काठमाण्डु – नेपालको अन्तरिम सरकारको प्रधानमन्त्रीमा नियुक्त भएकोमा चीनले सुशीला कार्कीलाई बधाई दिएको छ।

चीनको परराष्ट्र मन्त्रालयका प्रवक्ताले नेपालको प्रधानमन्त्रीको शपथ लिएकी कार्कीलाई बधाई दिएको जनाएका हुन्।

प्रवक्तालाई नेपालकीपूर्व प्रधानन्यायाधीश कार्कीले देशको अन्तरिम प्रधानमन्त्रीको रूपमा शपथ लिनुभएको छ। यसमा चीनको के भनाइ छ भन्दै भनेर प्रश्न गरिएको थियो ।

जवाफमा उनले चीनले नेपालको अन्तरिम सरकारको प्रधानमन्त्री बनेकोमा कार्कीलाई बधाई ज्ञापन गरेको बताए । उनले भने, ‘चीन र नेपालबिच लामो समयदेखिको मित्रता छ। चीनले सधैँझैँ नेपालका जनताले स्वतन्त्र रूपमा रोजेको विकासको मार्गलाई सम्मान गर्दछ। हामी शान्तिपूर्ण सहअस्तित्वका पाँच सिद्धान्तलाई अगाडि बढाउन, विभिन्न क्षेत्रमा आदानप्रदान र सहयोग बढाउन र द्विपक्षीय सम्बन्धलाई थप सुदृढ गर्न नेपालसँग काम गर्न तयार छौँ ।’

यसअघि भारत, अमेरिका, संयुत्तल राष्ट्रसंघसहितले पनि प्रधानमन्त्री कार्कीलाई बधाइ दिइसकेका छन् ।