काठमाडाै‌-  पृथकतावादी अभियान सञ्चालन गरिरहेका डा. सिके राउत र प्रधानमन्त्री केपी शर्मा ओली, नेपाल कम्युनिष्ट पार्टीका अध्यक्ष पुष्पकमल दाहाल प्रचण्ड एकै मञ्चमा देखिएका छन् ।

सिके राउतले राष्ट्र विखण्डनको मुद्दा छाडेर अखण्ड नेपाल स्वीकार्दै मुलधारको राजनीतिमा फर्किने क्रममा तीनैजना एकै मञ्चमा देखिएका हुन् । राष्ट्रिय सभागृहमा आयोजित विशेष घोषणासभा कार्यक्रममा दुई पक्षबीच विभिन्न ११ बुँदे सहमतिमा पनि सहमति भएको छ ।

प्रधानमन्त्री केपी शर्मा ओलीको उपस्थितिमा गृहमन्त्री रामबहादुर थापा बादल र राउतले सहमति पत्रमा हस्ताक्षर भएको हो । सहमतिको पहिलो बुँदामा मुलुकको अखण्डता स्वीकार गरेका छन् भने सरकारले गठबन्धनका कार्यकर्ताहरुमाथि लागेको मुद्दा फिर्ता लिने भएको छ ।