कांग्रेससँग सहकार्य गर्न चिन इच्छुक : चिनियाँ राष्ट्रपति सी – KathmanduPati
ब्रेकिंग न्युज राजनीति

कांग्रेससँग सहकार्य गर्न चिन इच्छुक : चिनियाँ राष्ट्रपति सी

काठमाडौँ । चिनियाँ राष्ट्रपति सी चिनफिङले नेपाली काँग्रेससँग सहकार्य गर्न इच्छुक रहेको बताएका छन् ।

dish home

नेपाली कांग्रेसका सभापति शेरबहादुर देउवा र चिनियाँ राष्ट्रपति सी चिनफिङबीच काठमाडौंको होटल सोल्टीमा भएको भेटवार्तामा द्धिपक्षीय हितका विषयमा छलफल भएको थियो । भेटमा राष्ट्रपति सीले चिनियाँ कम्युनिस्ट पार्टी नेपाली काँग्रेससँग अझै राम्रो सम्बन्ध कायम गर्दै सहकार्य गर्न तयार रहेको जिकिर गरेका हुन् ।

भेटपछि पुर्व प्रधानमन्त्री समेत रहेका सभापति देउवाले सीको नेपाल भ्रमणले दुई देशको सम्बन्धलाई नयां उचाइमा पुर्याएको बताएका छन् ।
दुई दिने भ्रमणका क्रममा नेपाल आएका चिनियां राष्ट्रपतिसँग शनिवार सांझ होटल सोल्टीमा भएको भेटपछि देउवाले दुवै देशले व्यापार, उर्जा र पूर्वाधारबाट फाइदा लिनुपर्ने बताए । सभापति देउवासँगको भेटमा नेपाली काँग्रेस पार्टीको चीनसँगको ऐतिहासिक सम्बन्धलाई स्मरण गर्दै पार्टीले देशको बागडोर सम्हाल्दा चीन नेपाल सम्बन्धमा पुर्याएको योगदान चिनियाँ जनताले भुल्न नसक्ने बताएका थिए ।

राष्ट्रपति सीले छिमेकी मित्रका रुपमा चीन र नेपाल सँधै राम्रो दाजुभाइ र मित्र भएको बताए । ‘नेपालको सत्तामा जुनै पार्टी आए पनि दुई देशबीच स्थिर र मित्रवत सम्बन्ध कायम रहनेछ,’ सीले भने । भेटमा सभापति देउवाले नेपाली पक्षले चीनसँगको सम्बन्ध विस्तारलाई ठूलो महत्त्व दिएको बताउँदै चीनलाई नेपालको विकासमा दीर्घटकालिन सहयोग र देशको सार्वभौमिकता र भौगोलिक अखण्डतालाई जोगाउन गरेको प्रयासका लागि धन्यवाद ज्ञापन गरे ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top