काठमाण्डु – नेपाली काँग्रेसको आशन्न १४औं महाधिवेशनमा १२ जना नेताले महामन्त्रीमा दावी गरेका छन् । यहि मंसिर २४ गतेबाट सुरु हुने महाधिवेशनमा दुई महामन्त्री पदका लागि अहिलेसम्म १२ जना नेताहरुले दावेदारी पेश गरेका हुन् ।

उक्त महाधिवेशनले ५ वर्षका लागि केन्द्रीय नेतृत्व चयन गर्नेछ । झण्डै ४५ सय महाधिवेशन प्रतिनिधिहरु छानेको काँग्रेसले एक सभापति, दुई उपसभापति, २ महामन्त्री र ८ सहमहामन्त्रीसहित १३ पदाधिकारी र १६५ जना केन्द्रीय कमिटी सदस्य निर्वाचित गर्दैछ ।

तीन समूहमा विभाजित काँग्रेस सभापति शेरबहादुर देउवा समुहबाट ६ जना, वरिष्ठ नेता रामचन्द्र पौडेल समूहबाट ५ र कृष्ण सिटौला समूहबाट १ जना दावेदार रहेका छन् । संस्थापन पक्षबाट बालकृष्ण खाँण, विश्वप्रकाश शर्मा, डा. प्रकाशशरण महत, रमेश लेखक, एनपी साउद र ज्ञानेन्द्र कार्कीले महामन्त्रीका दागि दावी पेश गरिसकेका छन् ।

त्यस्तै संस्थापन इतर पक्षबाट डा. मिनेन्द्र रिजाल, गगन थापा, धनराज गुरुङ, चन्द्र भण्डारी र दीपक गिरीले महामन्त्रीका लागि दावेदारी पेश गरेका छन् । सिटौला समूहबाट भने प्रदीप पौडेलले महामन्त्रीको दावी गर्दै उम्मेदवारी घोषणा गरेका छन् ।

यो पटक विगतमा देउवासँगै रहेका विमलेन्द्र निधि पनि सभापति दावी गरेर चुनावी प्रचारप्रसारमा जुटेका छन् । यद्यपी कुनैपनि समुहले आफ्नो प्यानल भने बनाइसकेका छैनन् ।

देउवा पक्षबाट महामन्त्रीका दावेदार :

बालकृष्ण खाँण

विश्वप्रकाश शर्मा

डा. प्रकाशशरण महत

रमेश लेखक

एनपी साउद

ज्ञानेन्द्र कार्की

पौडेल पक्षबाट महामन्त्रीमा दावेदार :

डा. मिनेन्द्र रिजाल

गगन थापा

धनराज गुरुङ

चन्द्र भण्डारी

दीपक गिरी

सिटौला समूहबाट

प्रदीप पौडेल