काठमाण्डु – नेपालमा पछिल्लो २४ घण्टामा थप २ हजार ७ सय २२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नेपालमा कुल संक्रमितको संख्या ८२ हजार ४ सय ५० पुगेको जानकारी दिए ।
त्यस्तै पछिल्लो २४ घण्टामा ३ हजार ३ सय ७ जना संक्रमित डिस्चार्ज भएका छन् । हालसम्म नेपालमा ६० हजार ६ सय ९६ जना कोरोना संक्रमित निको भएको प्रवक्ता गौतमले जानकारी दिए । सक्रिय संक्रमितको संख्या २१ हजार २ सय ३४ रहेको छ ।
पछिल्लो २४ घण्टामा १४ हजार ७ सय ३९ जनाको पिसिआर परीक्षण गरिएको छ । होम आइसोलेसनमा रहनेहरुहरुको संख्या ११ हजार ७ सय ६० रहेको छ ।
नेपालमा पछिल्लो २४ घण्टामा थप ११ जनाको मृत्यु भएको छ । योसँगै मृतकको संख्या पाँच सय २० पुगेको छ ।
प्रतिक्रिया