काठमाण्डु – नेपालमा पछिल्लो २४ घण्टामा ७ सय ७६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख ५१ हजार ६ सय ९२ पुगेका छन् ।

त्यस्तै पछिल्लो २४ घण्टामा ९सय ४७ जना संक्रमित डिस्चार्ज भएका छन् । हालसम्म नेपालमा २ लाख ४० हजार ३ सय ६३ जना कोरोना संक्रमित निको भएका छन् ।

हालसम्म १८ लाख ५५ हजार ७ सय २४ जनाको पीसीआर परीक्षण गरिएको मन्त्रालयले जनाएको छ । पछिल्लो २४ घण्टामा ६ जनाको मृत्यु भएको छ भने हालसम्म नेपालमा कोरोना संक्रमणबाट मृत्यु हुनेको संख्या १७ सय ४९ जना पुगेका छन् ।