काठमाडौं – नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले सांसद विकास कोषको रकम काेराेना भाइरस (कोभिड-१९) कोषमा राख्नु पर्ने बताएका छन् ।  शनिबार ट्वीट गर्दै प्रवक्ता श्रेष्ठले सांसद विकास कोष आवश्यक नरहेको पनि उल्लेख गरेका छन्।

श्रेष्ठले अबदेखि सांसद विकास कोषमा बजेट नराख्न पनि माग गरेका छन्। ‘यो शीर्षकमा बजेट नराखौं, यो सही छ। निर्णय गरिहालौं,’ श्रेष्ठले भनेका छन्। श्रेष्ठले प्रमुख प्रतिपक्षीलगायत दलसँग सरकारले समन्वय गर्नुपर्ने बताएका छन्।

मैले पहिले देखि भन्दै आएको छु, साँसद बिकास कोष आवश्यक छैन मात्र होइन अनुचित छ।अहिले कोभिड-१९ को सँकटको सन्दर्भमा यसको खर्च नभएको रकम ( ज्यादै कम मात्र खर्च भएको होला) कोभिड-१९ कोषमा राखौं र अबदेखि यो शिर्षकमा बजेट नराखौं ।यो सही छ।निर्णय गरिहालौं ।

— NKShresthaPrakash (@nksthaprakash) April 11, 2020