कोरोना भाइरस :चीनमा संक्रमण दर घट्दै, दक्षिण कोरिया, इरान-इटालीमा बढ्दै

एजेन्सी- विश्वभर महामारीको रुपमा फैलिएको कोरोना भाइरस (कोविड(१९) शनिबारसम्म १०३ देशमा फैलिएको विश्व स्वास्थ्य संगठनले जनाएको छ। कोरोना भाइरसबाट संक्रमित हुनेको संख्या एक लाख ६ हजार १ सय ९५ पुगेको छ ।

यसको उत्पत्ति भएको देश चीनमा भने संक्रमितको संख्या घट्दै गए पनि इरान र इटालीमा भने तीब्ररुपमा फैलिदै गएको छ।  कोरोना संक्रमितमध्ये सबैभन्दा बढी चीनमा ८० हजार ६ सय ९६ जना संक्रमित छन् । चीनमा नयाँ ४५ जना मानिसमा कोरोनाको संक्रमण देखिएको छ । कोरोनाकै कारण चीनमा ज्यान गुमाउनेको संख्या ३ हजार ९७ पुगेको छ ।

त्यस्तै दोस्रो धेरै संक्रमण फैलिएको दक्षिण कोरियामा ५० जनाले ज्यान गुमाएका छन् भने ७ हजार १ सय ३४ जनामा संक्रमण देखिएको छ । त्यस्तै इटालीमा ५ हजार ८ सय ८३ संक्रमित रहेको र ३ सय ३३ जनाले ज्यान गुमाएको समाचार प्रकाशन भएका छन् । इटालीमा ५ हजार ८ सय ८३ जनामा सक्रमण भेटिएको छ। त्यस्तै शनिबार मात्रै थप ३६ जनाको मृत्यु भएको र मृत्यु हुनेको संख्या २ सय ३३ पुगेको छ।

इरानमा १४५ जनाको ज्यान गएको छ भने त्यहाँ ५ हजार ८ सय २३ जना संक्रमित भेटिएको जनाइएको छ। दक्षिण कोरियामा ५० जनाको ज्यान गएको छ भने सात हजार १ सय २४ जनामा संक्रमण फैलिएको छ।  युरोपेली देशहरु फ्रान्स जर्मनी, स्पेन, बेलायत बेल्जियममा पनि यसको संक्रमण तीब्र रुपमा फैलिरेहको छ। त्यस्तै जापानमा पनि यसको संक्रमणबाट ६ जनाको ज्यान गइसकेको छ भने अमेरिकामा १९ जनाले ज्यान गुमाएका छन्। यसको संक्रमण अर्जे्न्टिनामा पनि पुगेको छ। अर्जे्न्टिनामा एक जनाको ज्यान गएको छ।

हालसम्म विश्वभरबाट सक्रमित हुनेको संख्या १ लाख ६ हजार १ सय ९१ पुगेका छ। त्यस्तै मृत्यु हुनेको संख्या ३ हजार ६ सय छ भने विगत २४ घण्टामा १ सय ६ जनाको ज्यान गएको छ। त्यस्तै ६० हजार एक सय ९० जना उपचारपछि घर फर्किएका छन्। नेपालमा पनि एक जनामा कोरोनाको संक्रमण भेटिएको तर उपचारपछि निको भएर घर फर्किएका छन्।